బాలీవుడ్ బుల్లితెర నటి శ్వేతా తివారీ. ఇప్పటికే రెండు పెళ్లిళ్లు చేసుకుంది. పైగా, పిల్లలు కూడా. కుటుంబంలో ఏర్పడిన కలతల కారణంగా మొదటి భర్త రాజా చౌదరితో తెగదెంపులు చేసుకుంది. ఆ తర్వాత అభినవ్ కోహ్లీ అనే వ్యక్తిని రెండో పెళ్లి చేసుకుంది. అతనితో కూడా ఏర్పడిన మనస్పర్థల కారణంగా విడాకులు తీసుకుంది. దీనిపై పలు రకాలుగా ప్రచారం సాగుతోంది.
దీంతో శ్వేతా తివారీ కాస్తంత ఘాటుగా స్పందించింది. తన గురించి మీడియా ఏం రాసినా పట్టించుకోనని, తాను తన పిల్లల భవిష్యత్ కోసమే అభినవ్ కోహ్లీ నుంచి విడిపోతున్నట్టు తెలిపింది. తనను వేలెత్తి చూపేవారిపై తీవ్రంగా మండిపడింది.
అంతేకాదు, సామాజిక ఒత్తిళ్ల కారణంగా వివాహంలో ఇబ్బందులు ఎదుర్కొంటున్న వారికి అండగా నిలిచేందుకు ఓ ప్లాట్‌ఫామను ఏర్పాటు చేయనున్నట్టు ప్రకటించింది. కాబట్టి వివాహ బంధంలో ఎదుర్కొంటున్న బాధల నుంచి బయటకు రావాలని, ఎవరినీ కేర్ చేయొద్దని మహిళలకు పిలుపునిచ్చింది.
