గాయని సునీతకు 19 ఏళ్ల వయసులోనే పెళ్లి అయింది. వీరికి ఇద్దరు పిల్లలు కూడా ఉన్నారు. అయితే, భర్తతో ఏర్పడిన మనస్పర్థల కారణంగా సునీత తన ఇద్దరు పిల్లలతో కలిసి జీవిస్తోంది. అలా చాలా సంవత్సరాలుగా భర్తకు దూరంగా జీవిస్తోంది. ఆ తర్వాత భర్త నుంచి విడాకులు తీసుకుంది.
ఈ క్రమంలో ఆమె రెండో పెళ్లి చేసుకోబోతున్నట్టు సోషల్ మీడియాలో ప్రచారం జరిగింది. కానీ, వీటిపై ఆమె ఎక్కడా స్పందించలేదు. పైగా, ఈ వార్తలను ఖండిస్తూ వచ్చారు. ఈ క్రమంలో సోమవారం ఆమె ఉన్నట్టుండి మరో పెళ్లి చేసుకోబోతున్నట్టు ప్రకటించారు.
