'ఆర్ఎక్స్ 100' చిత్రం ద్వారా ఒక్కసారిగా వెలుగులోకి వచ్చిన పంజాబీ అందాల బొమ్మ పాయల్ రాజ్‌పుత్. ఆ తర్వాత వరుసగా పలు చిత్రాల్లో నటించింది. కానీ, ఒక్కటి కూడా ఆమెకు సరైన గుర్తింపు ఇవ్వలేదు. వెంకటేశ్, రవితేజ వంటి హీరోల సరసన నటించినప్పటికీ ఫలితం లేకుండా పోయింది. ఈ నేపథ్యంలో తన ఐదేళ్ల సినీ కెరియర్‌పై ఆమె తాజాగా స్పందించారు.
'సాధారణంగా చిత్రపరిశ్రమలో ఒకసారి అగ్రస్థానానికి చేరుకుంటాం. అలాగే కిందికీ పడిపోతాం. కానీ వీటన్నింటినీ తట్టుకుని నిలబడాలి. నెగటివిటీని వదిలేసి, పాజిటివ్‌గా ముందుకు వెళుతున్నా అని చెప్పుకొచ్చింది. తనకు తొలి సినిమాలో అవకాశం ఇచ్చిన అజయ్ భూపతి దర్శకత్వంలో మంగళవారం అనే చిత్రంలో నటిస్తున్న'ట్టు పాయల్ రాజ్‌పుత్ తెలిపారు.
