కొంత కాలంగా సోనమ్ కపూర్ వెండితెరపై పెద్దగా సందడి చేయడం లేదు. దీంతో ఆమె ప్రెగ్నెంట్ అయిందని ప్రచారం జరుగుతోంది. ఇలాంటి పరిస్థితుల్లో తాజాగా ఈ స్టార్ డాటర్ సోషల్ మీడియా వేదికగా తన ప్రెగ్నెన్సీని కన్ఫార్మ్ చేసింది. ఇందుకోసం హాట్ డ్రెస్ ధరించి.. తన భర్త ఒడిలో పడుకున్న ఫొటోలను షేర్ చేసింది. దీంతో ఆమెకు శుభాకాంక్షలు వెల్లువెత్తుతున్నాయి.
గర్భంతో ఉన్న ఫొటోలు షేర్ చేసిన సోనమ్ కపూర్.. తన బేబీ కోసం ‘నాలుగు చేతులు.. నిన్ను ఉత్తమంగా పెంచడానికి మేం చేయగలిగిందంతా చేస్తాం. రెండు హృదయాలు. నీ గుండె చప్పుడుతో అడుగడుగునా కలిసే ఉంటుంది. ఒక కుటుంబంగా నీకు ఎల్లప్పుడూ మా ప్రేమ, మద్దతు అందిస్తాం. నీకు వెల్‌కం చెప్పేందుకు ఇంక వేచి చూడలేం' అంటూ రాసుకొచ్చింది.
