టాలీవుడ్ ప్రిన్స్ మహేష్ బాబు నటిస్తున్న తాజా చిత్రం "స్పైడర్". ఏఆర్ మురుగదాస్ దర్శకత్వంలో తెరెక్కుతున్న ఈ చిత్రం దసరా రేసులో ఉంది. అయితే, ఈ చిత్రంలోని ఓ ఆడియో పాటను హీరో మహేష్ బాబు రిలీజ్ చేశారు. 'ఇదిగో స్పైడర్ బోన‌స్ ట్రాక్.. ఎంజాయ్ చేసుకోండి' అంటూ తన ట్విట్టర్ ఖాతాలో ట్వీట్ చేశాడు.
అంత‌కుముందు కూడా ఓ ట్వీట్ చేసిన మ‌హేశ్ బాబు.. తన అభిమానుల‌కు, మ్యూజిక్ ప్రేమికుల‌కు ఈ రోజు రాత్రి 9 గంటలకు స్పెష‌ల్ స‌ర్‌ప్రైజ్ ఇస్తాన‌ని పేర్కొన్నాడు. కాగా, రేపు సాయంత్రం 6 గంటలకు హైదరాబాద్‌లోని శిల్ప‌క‌ళా వేదిక‌లో ఈ సినిమా ప్రీ రిలీజ్ ఈవెంట్ జ‌ర‌గ‌నుంది. మురుగదాస్ తెర‌కెక్కించిన ఈ సినిమాలో మ‌హేశ్‌కి జోడీగా ర‌కుల్ ప్రీత్ సింగ్ నటించిన విషయం తెల్సిందే. తమిళ హీరో, దర్శకుడు ఎస్.జే సూర్య కూడా ఓ పాత్రలో నటించాడు.
