అయితే, ఈ సినిమాలో చరణ్, సమంతల మధ్య ఓ ముద్దుసీను ఉంది. ఈ ముద్దు సీన్‌పై పలురకాలైన కామెంట్స్ వినిపిస్తున్నాయి. దీనిపై సమంత స్పందించారు. వాస్తవానికి అది నిజమైన ముద్దు కాదని క్లారిటీ ఇచ్చింది. చరణ్ బుగ్గపై తాను ముద్దు పెట్టానని... దాన్ని ఒక కెమెరా ట్రిక్కుతో లిప్ లాక్‌లా భ్రమించేలా తీశారని చెప్పింది. కథకి ఆ సన్నివేశం అవసరం కాబట్టే అలా చిత్రీకరించాల్సి వచ్చిందని తెలిపింది.
ఇకపోతే, తన భర్త చైతూతో కలిసి విదేశీ విహారయాత్రపై ఆమె స్పందిస్తూ, 'రంగస్థలం' విడుదలకు ముందు ఉండే ఒత్తిడిని దూరం చేసుకోవడానికి వెళ్లామని సమంత చెప్పింది. ఇకపై ఆదివారాలు షూటింగ్లకు వెళ్లకూడదని నిర్ణయించుకున్నానని... అక్కినేని ఫ్యామిలీలో ఆదివారాలు ఎవరూ సినిమా షూటింగ్లకు వెళ్లరని, తాను కూడా ఇదే విధానాన్ని ఇకనుంచి పాటిస్తానని చెప్పారు.
