పోర్న్ ఇండస్ట్రీ నుంచి బాలీవుడ్ వైపు అడుగులు వేసిన హీరోయిన్ సన్నీ లియోన్. ఈమె ఇప్పటికే హిందీ, తెలుగు చిత్రాల్లో నటించింది. ముఖ్యంగా, బాలీవుడ్‌లో ఆమెకు మంచి పేరు గుర్తింపు కూడా వచ్చింది. ఈ నేపథ్యంలో ఆమె మలయాళంలోకి ఎంట్రీ ఇచ్చేందుకు సిద్ధమైంది. ఈ పోర్న్ స్టార్‌ను ప్రముఖ దర్శకుడు మాలీవుడ్‌కు పరిచయం చేయనున్నాడు. ఆ దర్శకుడు ఎవరోకాదు... ఒమర్ లులు.
జయరామ్‌, ధర్మజన్‌ బోయ్‌గట్టీ, హనీరోజ్‌, వినయ్‌ ముఖ్యతారలుగా ఓ కామెడీ ఎంటర్‌టైనర్‌ తెరకెక్కించడానికి ఒమర్ లులు సన్నాహాలు చేస్తున్నారు. అందులో మరో ముఖ్య పాత్రకు సన్నీని తీసుకుంటున్నారట.
నిజానికి, ఈ పాత్రకు ప్రముఖ శృంగార తార మియా ఖలీఫాను తీసుకోవాలనుకున్నారు. కానీ, మనసు మార్చుకుని సన్నీ లియోన్‌తో చేయించాలనే నిర్ణయానికి వచ్చారని చిత్ర సన్నిహిత వర్గాలు చెబుతున్నాయి.
