ప‌వ‌ర్ స్టార్ పవన్ క‌ళ్యాణ్ తొలి చిత్రం అక్క‌డ అమ్మాయి - ఇక్క‌డ అబ్బాయి. ఈ చిత్రంలో పవన్ స‌ర‌స‌న నాగార్జున మేన‌కోడ‌లు సుప్రియ న‌టించిన విష‌యం తెలిసిందే. ఈ మూవీ త‌ర్వాత సుప్రియ న‌ట‌న‌కు ఫుల్‌స్టాప్ పెట్టి అన్న‌పూర్ణ స్టూడియోస్ బ్యాన‌ర్ పైన నిర్మించే సినిమాల నిర్మాణ బాధ్య‌త‌ల‌ను నిర్వ‌ర్తిస్తూ... స‌క్స‌స్‌ఫుల్ ఎగ్జిక్యూటివ్ ప్రొడ్యూస‌ర్‌గా రాణిస్తున్నారు. దాదాపు 20 సంవ‌త్స‌రాల త‌ర్వాత సుప్రియ మ‌ళ్లీ తెరపైకి రావ‌డం విశేషం.
ఇదిలాఉంటే.. సుప్రియ ఇటీవ‌ల మీడియాతో మాట్లాడుతూ... అక్క‌డ అమ్మాయి ఇక్క‌డ అబ్బాయి చిత్రంలో న‌టించిన‌ప్పుడు పవన్ క‌ళ్యాణ్ కొత్త హీరో. ఇప్పుడు త‌నో స్టార్ హీరో. న‌న్ను పవన్ ఇప్ప‌టికీ హీరోయిన్‌గానే చూస్తుండ‌టం చాలా హ్యాపీగా అనిపిస్తుంటుంది. పవన్ ఇంత పెద్ద హీరో అవుతాడ‌ని అస‌లు ఊహించ‌లేదు అన్నారు. ఇక త‌న కెరీర్ గురించి చెబుతూ.. త‌న‌కి నెగిటివ్ రోల్స్ చేయాల‌ని ఉంద‌ని.. అలాగే క‌థ‌లు కూడా రాస్తున్నాన‌ని చెప్పారు.
