ఔను... వాళ్లిద్దరూ ఇష్టపడ్డారు... నిజం. కోలీవుడ్ సినీ ఇండస్ట్రీలో ప్రేమ పెళ్లి జరిగింది. సక్సెస్‌ఫుల్ సినిమాలు తీస్తూ వున్న 60 ఏళ్ల డైరెక్టర్ ఓ సినీ హీరోయిన్‌ను పెళ్లాడారు. వివరాల్లోకి వెళితే... తమిళ చిత్ర దర్శకుడు వేలు ప్రభాకరన్‌ కొత్తగా తమిళంలో ‘ఒరు ఇయక్కునరిన్ కాదల్ డైరీ’ , తెలుగులో ‘ఓ దర్శకుడి ప్రేమ డైరీ’ పేరుతో సినిమాను రూపొందించారు. ఈ చిత్రానికి దర్శకత్వం వహించిన ఆయనే హీరో కావడం గమనార్హం.
ఈ చిత్రంలో 30 ఏళ్ల షెర్లీ దాస్‌ హీరోయిన్‌గా నటించారు. ఈ చిత్రం తీసే సమయంలోనే ఆమెతో స్నేహం కుదిరింది. ఐతే అది మూడో కంటికి తెలియరాలేదు. అది కాస్తా పెళ్లికి దారితీసింది. గమనించాల్సిన విషయం ఏమంటే... ఈ చిత్రం నిన్న శుక్రవారం విడుదలైంది. ఈ చిత్రాన్ని చూసేందుకు ప్రివ్యూకు రమ్మన్న దర్శకుడు మీడియాకు సినిమా చూపించారు.
