టాలీవుడ్‌లో క్యాస్టింగ్ కౌచ్‌పై హీరోయిన్లు నోరు విప్పుతున్న సంగతి తెలిసిందే. హాలీవుడ్ నుంచి బాలీవుడ్‌కు పాకిన మీటూపై కూడా హీరోయిన్లు స్పందిస్తున్నారు. పనిలో పనిగా క్యాస్టింగ్ కౌచ్ వ్యవహారంపై కూడా హీరోయిన్లు తమకు ఎదురైన అనుభవాలను బయటకు చెప్తున్నారు. తాజాగా క్యాస్టింగ్ కౌచ్‌పై తెలుగులో బాలయ్య సరసన 'వీరభద్ర' సినిమాలో నటించిన తనుశ్రీ దత్తా స్పందించింది.
సినిమా ఇండస్ట్రీలో లైంగిక వేధింపులు నిజమేనని తెలిపింది. తాను కూడా వాటి బాధితురాలేనని స్పష్టం చేసింది. 2008లో ఓ సినిమా షూటింగ్‌లో తన సహనటుడు చాలా ఇబ్బంది పెట్టాడని, డాన్స్ భంగిమల గురించి వివరిస్తానని చెప్పి తనతో తప్పుగా ప్రవర్తించాడని తనుశ్రీ వెల్లడించింది.
