ట్రైలర్ ఈ చిత్రం కోర్ పాయింట్ కోవిడ్-19, వ్యాక్సిన్ డ్రిల్ల్స్ గురించి కొన్ని అధ్యాయాలను ఆసక్తిరేకెత్తించేలా ప్రజంట్ చేసింది. వైరస్‌కు వ్యాక్సిన్‌ను రూపొందించే ఛాలెంజ్‌ని స్వీకరించిన సైంటిస్ట్ హెడ్ నానా పటేకర్‌తో వీడియో ప్రారంభమవుతుంది. దేశ భద్రత దృష్ట్యా ఈ విషయాన్ని అత్యంత రహస్యంగా ఉంచాలని ఆయన ఉన్నతాధికారులను కోరుతారు. దేశవాళీ వ్యాక్సిన్‌పై ప్రభుత్వ ప్రతిష్టను దిగజార్చేలా ‘’నో, వ్యాక్సిన్‌ను రూపొందించడంలో భారతదేశం విజయవంతం కాలేదు’’ అని ఓ జర్నలిస్ట్ వ్యాఖ్యానించే సన్నివేశం ట్రైలర్ వుంది. జర్నలిస్ట్ పాత్రని రైమా సేన్ పోషించారు.
ట్రైలర్ అంతా యంగేజింగ్ గా వుంది. ప్రతి సన్నివేశం ఆసక్తిని రేపింది. ఈ చిత్రంలో నానా పటేకర్, అనుపమ్ ఖేర్, సప్తమి గౌడ, పరితోష్ సాండ్, స్నేహ మిలాండ్, దివ్య సేథ్ తదితరులు నటిస్తున్నారు.
'వ్యాక్సిన్ వార్' హిందీ, ఇంగ్లీష్, గుజరాతీ, పంజాబీ, భోజ్‌పురి, బెంగాలీ, మరాఠీ, తెలుగు, తమిళం, కన్నడ, ఉర్దూ, అస్సామీలతో సహా 10+ భాషల్లో సెప్టెంబర్ 28న విడుదల కానుంది.
