త్రివిక్రమ్ దర్శకత్వంలో ఎన్టీఆర్ హీరోగా ఒక మూవీ చేయనున్నారు. రీసెంట్‌గా ఈ సినిమాకు అరవింద సమేత వీర రాఘవ అనే టైటిల్‌ను ఫిక్స్ చేశారు. యాక్షన్‌తో కూడిన ఫ్యామిలీ ఎంటర్టైనర్‌గా నిర్మితమవుతోన్న ఈ సినిమాలో కథానాయకిగా పూజా హెగ్డే నటిస్తోంది. ఎన్టీఆర్ న్యూలుక్ అతను చెప్పే పవర్‌ఫుల్ డైలాగ్స్ ఈ సినిమాకు ప్రత్యేక ఆకర్షణగా నిలుస్తుందని అందరూ అంటున్నారు.
ప్రస్తుతం ఈ సినిమా షూటింగ్ హైదరాబాద్‌లో గల కొంపల్లి పరిసరప్రాంతాల్లో జరుగుతోంది. ప్రధానమైన పాత్రలకు సంబంధించిన కొన్ని కీలకమైన సన్నివేశాలను హైదరాబాద్‌లో చిత్రీకరిస్తున్నారు. ఈ సినిమాలో యూత్‌ను మాస్ ఆడియన్స్‌ను ఒక ఊపు ఊపేసే ఐటమ్‌సాంగ్ ఒకటి ఉందట, ఆ సాంగ్‌ను కాజల్‌తో చేయించనున్నట్లు సమాచారం.
