’నిన్నుకోరి’ వంటి బ్లాక్‌బస్టర్‌ మూవీ తర్వాత నేచురల్‌ స్టార్‌ నాని, శివ నిర్వాణ కాంబినేషన్ లో రూపొందుతోన్న ఫ్యామిలి ఎంటర్టైనర్ ‘టక్ జగదీష్’. అన్ని రకాల కమర్షియల్‌ ఎలిమెంట్స్‌తో తెరకెక్కుతోన్న ఈ చిత్రంలో నాని సరసన రీతూ వర్మ, ఐశ్వర్యా రాజేష్‌ హీరోయిన్లుగా నటిస్తున్నారు. నాని 26వ చిత్రంగా రూపొందుతోన్న ఈ మూవీని షైన్‌ స్క్రీన్స్ బ్యానర్‌పై సాహు గారపాటి, హరీష్‌ పెద్ది సంయుక్తంగా నిర్మిస్తున్నారు. ఇప్పటికే విడుదలైన టీజర్, సాంగ్స్‌కి ట్రెమండస్ రెస్పాన్స్ వస్తోంది.
