యాంకర్ రాధికారెడ్డి ఆత్మహత్యపై జబర్దస్త్ యాంకర్, నటీమణి రష్మీ గౌతమ్ ఆవేదన వ్యక్తం చేసింది. వీ6 యాంకర్ రాధికారెడ్డి ఆత్మహత్య వార్తను ఉదయాన్నే వినడం, చూడటం బాధేసిందని రష్మీ గౌతమ్ చెప్పింది. రాధికను తాను కలవనప్పటికీ ఆమె ఆత్మకు శాంతి చేకూరాలని భగవంతుడిని ప్రార్థిస్తున్నానని చెప్పింది. ప్రస్తుతం డిప్రెషన్ అనేది అతిపెద్ద సమస్యగా పరిణమించిందని తెలిపింది.
ఎప్పుడైనా అప్‌సెట్ అయితే స్నేహితులతో, కుటుంబ సభ్యులతో గడపాలని సూచించింది. ఆత్మహత్య చేసుకున్నంత మాత్రాన బాధలు తొలగిపోవని ట్వీట్ చేసింది. మెరుగైన జీవితాన్ని గడిపే అవకాశాన్ని ఆత్మహత్య దూరం చేస్తుందని తెలిపింది.
