కొణిదెల ప్రొడక్షన్స్ బ్యానర్పై చిరంజీవి తనయుడు, హీరో రాంచరణ్ నిర్మాణంలో తెరకెక్కుతున్న ఈ సినిమాకు సురేందర్ రెడ్డి దర్శకుడు. దేవీశ్రీ ప్రసాద్ సంగీత దర్శకుడు. రాయలసీమ చారిత్రక నేపథ్యమున్న ‘ఉయ్యలవాడ నర్సింహారెడ్డి’ కథాంశంతో ఈ సినిమా తెరకెక్కబోతోంది.
అయితే, ఈ చిత్రానికి సంబంధించిన ఓ పోస్టర్ సోషల్ మీడియాలో హల్చల్ చేస్తోంది. 'ఉయ్యలవాడ నరసింహారెడ్డి' ఫస్ట్ లుక్ పోస్టర్ ఇదేనంటూ విస్తృతంగా ప్రచారం చేస్తుండటంతో వైరల్ అవుతోంది. గొడ్డలి, టైటిల్ లోగోతో చాలా పవర్ఫుల్గా ఉంది ఆ పోస్టర్. అయితే ఆ పోస్టర్ ఎక్కడి నుంచి వచ్చిందనేది మాత్రం తెలియడం లేదు. అయితే, ఈ పోస్టర్ విషయంలో కొణిదెల ప్రొడక్షన్స్ సంస్థ మాత్రం ఎలాంటి అధికారిక ప్రకటన చేయలేదు.