మెగా ఫ్యామిలీకి చెందిన హీరో వైష్ణవ్ తేజ్ "ఉప్పెన" చిత్రంతో బ్లాక్ బస్టర్ హిట్‌ను తన ఖాతాలా వేసుకున్నాడు. ఈ చిత్రం తర్వాత ఆయన నటించే రెండో చిత్రానికి "కొండపొలం" అనే టైటిల్‌ను ఖరారు చేశారు. క్రిష్ జాగర్లమూడి దర్శకత్వం వహించే ఈ చిత్రం షూటింగ్ ఎప్పుడో పూర్తి కాగా, క‌రోనా వైరస్ కారణంగా ఈ చిత్రం విడుదలలో జాప్యం జరిగింది.
అడవి నేపథ్యంలో సాగే ఈ మూవీని ఫ్రేమ్‌ ఎంటర్‌టైన్‌మెంట్స్‌ పతాకంపై సాయిబాబు జాగర్లమూడి, రాజీవ్‌ రెడ్డి నిర్మిస్తున్నారు. రకుల్‌ ప్రీత్‌ సింగ్‌ హీరోయిన్‌గా నటించింది. అక్టోబ‌ర్ 8న చిత్రాన్ని విడుద‌ల చేయ‌నున్న‌ట్టు మేక‌ర్స్ రీసెంట్‌గా ప్ర‌క‌టించారు.
