సినిమా న‌టుడి నుంచి తెలుగుదేశం పార్టీలో వుండి ఎం.ఎల్‌.ఎ.గా చేసి, త‌ద‌నంతం బి.జె.పి. పార్టీ తీర్థం తీసుకున్న బాబూమోహన్ సంచ‌ల‌న వ్యాఖ్య‌లు చేశారు. ఆడపాద‌డ‌పా సినిమాలు చేస్తూనే టీవీ షోల‌లో కూడా పాల్గొంటున్నాడు. తాజాగా ఓ ఇంట‌ర్వ్యూలో ప్రాంతీయ పార్టీకి, జాతీయ పార్టీకి వ్య‌త్యాసాన్ని వెల్ల‌డించారు. నాకు ఇప్పుడిప్పుడే అర్థ‌మ‌వుతుంది. ఒకప్పుడు ఎం.ఎల్‌.ఎ.గా మంత్రిగా చేశాను. ప‌లానా మంత్రి అనేవారు. కానీ బి.జె.పి.లోకి వెళ్ళాక జాతీయ నాయ‌కుడు అంటున్నారు. ఇంత‌కంటే గొప్ప పేరు ఎక్క‌డ వ‌స్తుంది అంటున్నారు. న‌న్ను గుర్తించి అమిత్‌షా పార్టీలో తీసుకున్నారంటే అంత‌క‌న్నా ఏం కావాలి. అంతేకాకుండా ప్రాంతీయ పార్టీ అంటే ఊరు లాంటిది. జాతీయ పార్టీ ప‌ట్ట‌ణం లాండిద‌ని ఉద‌హ‌రించారు.
