వచ్చే యేడాది సంక్రాంతికి విడుదలయ్యే చిత్రాలపై ఓ క్లారిటీ వచ్చింది. రామ్‌‍చరణ్ "గేమ్ ఛేజర్", నందమూరి బాలకృష్ణ 109వ చిత్రం విడుదలను మేకర్స్ అధికారికంగా ప్రకటించారు. కాగా పొంగల్ టార్గెట్‌గా చిత్రీకరణ జరుపుకుంటుంది వెంకీ - అనీల్ రావిపూడిల చిత్రం. ఈ సినిమాకు కూడా దిల్ రాజు నిర్మాతే కావటంతో, "గేమ్ ఛేంజర్"తో పాటు విడుదల ఉంటుందా అనే అనుమానం అందరిలోనూ నెలకొంది.
ఓపెనింగ్ రోజే తమ సినిమా విడుదలను సంక్రాంతికే అని ప్రకటించించటంతో పాటు ఈ సినిమా టైటిల్ కూడా "సంక్రాంతికి వస్తున్నామ్" అని ఉంటుందని ప్రచారం జరిగింది. గతేడాది సంక్రాంతి వచ్చిన తన 75వ చిత్రం "సైంథవ్" ఫలితం నిరాశపరచటంతో వెంకటేష్ మరలా హిట్ కొట్టి ఫామ్‌లోకి రావాలని ఛాలెజింగ్‌గా తీసుకుని అనీల్ రావిపూడి సినిమా కోసం వర్క్ చేస్తున్నారు.
ఈ సినిమా చిత్రీకరణ కూడా నాన్ స్టాప్‌గా జరుగుతోంది. నిజానికి సంక్రాంతి కి మూడు సినిమాల విడుదల కు స్కోప్ ఉంటుంది కాబట్టి, దిల్ రాజు అనుకున్నట్లుగానే సంక్రాంతి బరిలో వెంకటేష్ సినిమాను కూడా రిలీజ్ చేసేందుకు సిద్దమవుతున్నారని సమాచారం.
దీపావళికి ఈ సినిమాకు విడుదలకు సంబంధించిన అప్డెట్ రానుందని, గేమ్ ఛేంజర్ జనవరి 10, బాలకృష్ణ 109 చిత్రం జనవరి 12న, వెంకీ - అనీల్ రావిపూడిల చిత్రం జనవరి 14న విడుదల అవుతాయనే ప్రచారం ఇండస్ట్రీలో నడుస్తొంది. అయితే, ఏది ఏమైనా వెంకేటష్ చిత్రంపై ఓ క్లారిటీ రావాల్సివుంది.
