పెద్దలు కుదిర్చిన పెళ్లి చేసుకోవడం నావల్ల కాదుబాబోయ్ అంటున్న హీరో

'అర్జున్ రెడ్డి' చిత్రంతో టాలీవుడ్ ఇండస్ట్రీలో ఓ వెలుగు వెలిగిన హీరో విజయ్ దేవరకొండ. ప్రస్తుతం ఆయన నటించిన చిత్రం 'గీత గోవిందం'. ఈ చిత్రంతో విజయ్ స్టార్ హీరో హోదాను దక్కించుకున్నారు. ఈ చిత్రం కలెక్షన్ల వర్షం కురిపిస్తోంది. దీంతో విజయ్‌కు అనేక ఆఫర్లు వస్తున్నాయి.

ఈ నేపథ్యంలో విజయ్ తాజాగా మీడియాతో మాట్లాడుతుంటే ఓ ప్రశ్న ఎదురైంది. 'లవ్ మ్యారెజ్' చేసుకుంటారా..? పెద్దలు కుదిర్చిన పెళ్లి చేసుకుంటారా…? అనేది ఆ ప్రశ్న. అందుకు స్పందించిన ఆయన ఒకప్పుడు నేను 40 సంవత్సరాలకి పెళ్లి చేసుకోవాలని అనుకునేవాడిని. కానీ, ఇపుడు 35 యేళ్ళకే కుదించాను. 

ఇక ఎప్పటికైనా ప్రేమపెళ్లినే చేసుకుంటా. పెద్దలు కుదిర్చిన పెళ్లిన చేసుకోవడం నావల్ల కాదని తెగేసి చెప్పాడు. చెప్పుకొచ్చాడు. తెలంగాణ అమ్మాయినే చేసుకోవాలి, ఆంధ్ర అమ్మాయినే పెళ్లి చేసుకోవాలి అనే ఆలోచనేం మాత్రం తనకు లేదన్నాడు. ప్రపంచంలో ఎక్కడ వున్నా తనకు కనెక్ట్ కాగలిగితే చాలని విజయ్ దేవరకొండ చెప్పుకొచ్చాడు.