హిందీ సీరియల్ ''బేహద్'' షూటింగ్ సెట్లో అగ్ని ప్రమాదం చోటుచేసుకుంది. ఈ ప్రమాదంలో నటి జెన్నిఫర్ను కాపాడబోయిన కుషాల్కు స్వల్ప గాయాలు ఏర్పడ్డాయి. ఈ సీరియల్లో బుల్లితెర నటులు కుషాల్ టాండన్, జెన్నిఫర్ వింగెట్ ప్రధాన పాత్రల్లో కనిపిస్తున్న సంగతి తెలిసిందే.
అసలు సన్నివేశం ఏంటంటే.. కల్యాణ మండపంలో మంటలు చెలరేగుతాయి. ఆ సమయంలో జెన్నిఫర్ అక్కడే కూర్చుని ఉంటుంది. కుషాల్ అక్కడికి వచ్చి ఆమెను పెళ్లి చేసుకుంటాడు. ఈ నేపథ్యంలో సన్నివేశాన్ని చిత్రీకరిస్తుండగా ఉన్నట్టుండి మంటలు అనుకున్న దానికంటే చెలరేగిపోవడంతో ప్రమాదం చోటుచేసుకుంది. దీంతో మండపం నుంచి జెన్నిఫర్ను నిజంగా రక్షించడానికి ప్రయత్నించడంతో కుషాల్ మెడకు, కాళ్లకు గాయాలయ్యాయి.