బాలీవుడ్ క్వీన్ కంగనా రనౌత్ ప్రధాన పాత్రధారిగా నిర్మితమైన చిత్రం "మణికర్ణిక". ఝాన్సీ లక్ష్మీభాయి జీవిత చరిత్ర ఆధారంగా తెరకెక్కింది. ఈ చిత్రానికి కథా, కథనాలను విజయేంద్ర ప్రసాద్ అందించడం గమనార్హం. ఈ చిత్రం హిందీతో పాటు తెలుగులోనూ ఈనెల 25వ తేదీన ప్రేక్షకుల ముందుకురానుంది.
ఈ నేపథ్యంలో ఈ చిత్రానికి సంబంధించిన ట్రైలర్‌ను ఇటీవల హిందీలో విడుదల చేయగా, తాజాగా తెలుగులోనూ రిలీజ్ చేశారు. 'సాహసవంతురాలైన యువతిగా.. మహారాణిగా.. మాతృమూర్తిగా.. మహా యోధురాలిగా ఈ ట్రైలరులో కంగనా రనౌత్‌ను చూపించారు. 'ప్రతి భారతీయుడిలోనూ స్వాతంత్ర్య కాంక్షను రగిల్చే కాగడాను అవుతాను నేను'.
