మెగా హీరో, అల్లు అర్జున్, స్నేహారెడ్డి జంట చూడముచ్చటగా వుంటుంది. అల్లు అర్జున్, స్నేహారెడ్డి దంపతులు తమ వ్యక్తిగత జీవితానికి సంబంధించిన ఫోటోలను సోషల్ మీడియాలో పంచుకుంటూ వుంటారు.
తాజాగా, బన్నీ సరదాగా తన భార్యను ఉద్దేశిస్తూ ఇన్‌స్టాగ్రామ్‌లో ఓ పోస్ట్‌ పెట్టారు. ఆఫ్‌ వైట్‌ సల్వార్‌ కమీజ్‌ దుస్తుల్లో అందంగా తయారైన స్నేహా ఫొటోను పోస్ట్‌ చేస్తూ..''ఓ మై గాడ్‌.. ఇంతటి అందమైన అమ్మాయిని నేను పెళ్లి చేసుకున్నానని నమ్మలేకపోతున్నాను'' అని చమత్కరించారు.
''నా పేరు సూర్య నా ఇల్లు ఇండియా'' చిత్రంతో ఇటీవల బన్నీ ప్రేక్షకుల ముందుకొచ్చిన బన్నీ.. విక్రమ్‌ కె కుమార్‌ ప్రాజెక్టును ఖరారు చేసినట్లు తాజా సమాచారం. నల్లమలుపు బుజ్జి, నాగ అశోక్‌ కుమార్‌ నిర్మాతలుగా వ్యవహరిస్తున్నారట.
