బిగ్‌బాస్ హౌస్‌లో కంటెస్టెంట్స్‌కు ఓట్లు ఎంత అవసరమో అందరికీ తెలిసిన విషయమే. పలు విధానాలలో ఓట్లు వేసే అవకాశాన్ని కల్పించారు బిగ్ బాస్. అయితే మొదటి సీజన్ చూసిన తర్వాత ఒక అవగాహనకు వచ్చిన కొంతమంది హౌస్‌లోకి ఎంటరయ్యే ముందే కుటుంబ సభ్యులు, స్నేహితులతో కలిసి సోషల్ మీడియాలో గ్రూపులు ఏర్పాటు చేసుకుని, వస్తున్నారు. ఇది కామనే, కానీ మరికాస్త ముందుకెళ్లి ఓట్ల కోసం టెక్నికల్ టీములను కూడా ఏర్పాటు చేసుకుంటున్నట్లు తెలుస్తోంది.
ఈ నేపథ్యంలో ఎక్కువగా వినిపిస్తున్న పేరు కౌశల్. కౌశల్ ఆర్మీ పేరిట అతనికి ప్రచారం కల్పించడం, ఓట్లు అడగడం, మిగిలిన హౌస్‌మేట్స్‌ను సోషల్ మీడియాలో టార్గెట్ చేసి బ్యాడ్ చేయడం చేస్తున్నారు. ఇటీవలి నామినేషన్స్‌లో కౌశల్ కంటే ఎక్కువ ఓట్లు వచ్చిన దీప్తిని టార్గెట్ చేసారు. ఆవిడకు ఓట్లు పొందడం కోసం ‘రామ్ ఐటీ సొల్యూషన్స్’ అనే సంస్థ ద్వారా ప్రత్యేక టెక్నికల్ టీమ్ ఏర్పాటు చేసుకుందని, ఆ కారణంగానే ఆమె 100 రోజులు కొనసాగగలిగిందని ఆరోపిస్తున్నారు.
ఇందులో నిజాలెంతవరకు ఉన్నాయో తెలీదు మరి. కౌశల్ కంటే ఎక్కువ ఓట్లు వచ్చాయనే అక్కసుతో కౌశల్ ఆర్మీ చేస్తున్న అసత్య ప్రచారం కూడా కావచ్చని దీప్తి సపోర్టర్స్ అంటున్నారు. కానీ, తమ వద్ద అందుకు తగిన ఆధారాలు ఉన్నాయంటూ పలు ఫోటోలు కూడా ట్విట్టర్‌లో హల్‌చల్ చేస్తున్నాయి.
