300 టన్నులు, 64 అడుగుల శ్రీ మహావిష్ణువు రాత్రి విగ్రహం బెంగళూరుకు ఎప్పుడు చేరుకుంటుందా అని భక్తులు ఆత్రుతగా ఎదురుచూస్తున్నారు. వేలాది మంది భక్తుల మధ్య ఈ ఏకశిలా విగ్రహం.. విల్లుపురం నుంచి తిరువన్నామలైకి చేరుకుంది. బెంగళూరుకు వెళ్లే దారిలో ఈ మహావిష్ణువు విగ్రహం తరలివెళ్తోంది. 240 టైర్ల ట్రైలర్‌తో ఈ విగ్రహాన్ని తరలించే ఏర్పాటు చేశారు.
విశ్వరూపంతో కూడిన ఈ మహావిష్ణువు విగ్రహం ప్రస్తుతం సెంజి (విల్లుపురం జిల్లా)లో ఆగింది. ఇక్కడి నుంచి 155 కిలోమీటర్ల దూరం ప్రయాణించాల్సి వుంటుంది. సెంజి మార్గంగా ఈ విష్ణువు విగ్రహాన్ని తీసుకెళ్తే.. పలు గృహాలు కూలిపోయే అవకాశం వుంది. అందుకే ఈ విగ్రహాన్ని వేరే మార్గం ద్వారా తరలించాలని స్థానికులు కోరడంతో ఆ విగ్రహ బరువు మరికొంత తగ్గించేందుకు శిల్పకళాకారులు పనులు మొదలెట్టారు. ఈ విగ్రహాన్ని కోరకోట్టై (వందవాసి తాలూకా, తిరువన్నామలై జిల్లా)లోకి కొండ రాతితో ఏకశిలగా చెక్కారు.
ఈ విగ్రహాన్ని 240 టైర్లతో కూడిన ట్రైలర్‌లో తరలించేందుకు ఏర్పాట్లు చేశారు. ఇప్పటికే తిరువన్నామలై జిల్లాకు చేరుకున్న ఈ విగ్రహం ఆపై హోసూర్ చేరుకుని అక్కడ నుంచి బెంగళూరుకు చేరుకుంటుందని ముంబై ఆధారిత లాజిస్టిక్స్ సంస్థ చెప్తోంది. ఈ విగ్రహ తరలింపులో 30మంది రెషమ్‌సింగ్ గ్రూప్‌కు చెందిన వారు తలమునకలయ్యారు. జియోలజీ మైనింగ్ శాఖ ఇందుకు 2014లో అనుమతులు ఇచ్చింది.
