గో బ్యాక్ అమిత్ షా అనే నినాదం ట్వీట్లు, రీట్వీట్లతో విపరీతంగా ట్రెండింగ్‌ అయింది. దీనికి ఏకంగా 1,29,000 మంది మద్దతు ప్రకటించారు. ఫలితంగా ట్విటర్‌ ఇండియా ట్రెండ్స్‌లో ఇది టాప్‌-2లో నిలవడం గమనార్హం.
అంతేనా..."సమానత్వానికి తమిళ గడ్డ వేదిక.. నీలాంటి టెర్రరిస్టును రానివ్వదు", "తమిళనాడు ఇండియా కాదు అమిత్ షా..! ప్రజాస్వామ్య గ్యాంబ్లర్‌ను మేము అంగీకరించం", "ట్యూటికోరిన్‌ కాల్పులపై అమిత్ షా స్పందించారా? ఒక జాతీయ పార్టీ అధ్యక్షుడిగా ఆయనకు నైతిక బాధ్యత లేదా?", "నోట్ల రద్దు స్కామ్‌ స్టార్‌ గో బ్యాక్" అంటూ పలు విధాలుగా వ్యాఖ్యలు చేశారు. మొత్తంమీద గోబ్యాక్‌ అమిత్ షా ప్రచారం బీజేపీకి చెందిన రాష్ట్ర నేతలకు ఏమాత్రం మింగుడు పడకపోగా... విపక్ష నేతలు మాత్రం హర్షం వ్యక్తం చేస్తున్నారు.
