చెన్నై చిన్నది త్రిష ప్రస్తుతం కెనడాలో ఎంజాయ్ చేస్తోంది. సినిమాల్లో హీరోలు బంగీ జంప్ చేస్తుండటం చూసేవుంటాం. అందుకు వారు పలు జాగ్రత్తలు తీసుకుంటారు. అయితే హీరోయిన్ అయిన త్రిష.. పెద్ద రిస్కే తీసుకుంది. పార్టీలు, పబ్‌లు, బీచ్‌ల కంటూ వెళ్లొచ్చే ఈ ముద్దుగుమ్మ తాజాగా.. ఒళ్లు గగుర్పొడిచే సాహసం చేసింది.
తాజాగా కెనడాలో ఓ బేస్ బాల్ స్టేడియంకు 1168 అడుగుల ఎత్తులో త్రిష చేసిన సాహసం చూస్తే అందరూ షాకవుతారు. అంత ఎత్తులో బంగీజంప్ చేయడానికి వెళ్లిన ఆమె, అక్కడే 10 నిమిషాల పాటు ఉండి, కింద జరుగుతున్న బేస్ బాల్ మ్యాచ్‌ని చూస్తూ ఉండిపోయింది.
ప్రస్తుతం తమిళ సినిమాలతో బిజీగా వున్న సంగతి తెలిసిందే. ప్రస్తుతం త్రిష నటించిన లేడీ ఓరియెంటెడ్‌ చిత్రం మోహిని త్వరలో తెరపైకి రానుంది. దీనితో పాటు గర్జన, 96, చతురంగవేట్టై–2, పరమపదం, 1818 చిత్రాలు నిర్మాణంలో ఉన్నాయి.
