తిరుమల తిరుపతి దేవస్థానం ఓఎస్డీ డాలర్ శేషాద్రి హఠాన్మరణం చెందారు. సోమవారం తెల్లవారుజామున ఆయన గుండెపోటుతో కన్నుమూశారు. కార్తీక దీపోత్సవంలో పాల్గొనేందుకు విశాఖపట్టణంకు వెళ్లిన ఆయన... సోమవారం తెల్లవారుజామున గుండెపోటు వచ్చింది. దీంతో ఆయన్ను హుటాహుటిన సమీపంలోని ఆస్పత్రికి తరలించారు. అయితే, ఆయన అప్పటికే కన్నుమూసినట్టు వైద్యులు వెల్లడించారు.
కాగా, 1978 సంవత్సరం నుంచి శ్రీవారి సేవకు అంకితమైన శేషాద్రి.. 2007లో తితిదే ఉద్యోగిగా పదవీ విమరణ చేశారు. అయినప్పటికీ ప్రభుత్వం ఆయన్ను ఆఫీసర్ ఆన్ డ్యూటీ (ఓఎస్డీ)గా నియమించింది. అప్పటి నుంచి ఆయన తిరుమలలో ఓఎస్డీగా కొనసాగుతున్నారు.
