పెళ్లి పీటల మధ్య ముసిముసి నవ్వులతో మెరిసిపోవాల్సిన వధూవరులకు మాస్క్ కంపల్సరీ. తమిళనాడు రాష్ట్రంలోని మదురై స్వామికన్నిగైకి చెందిన పూల వ్యాపారి మోహన్…చాలా స్మార్ట్ గా ఆలోచించాడు. చక్కటి మాస్క్ లను రూపొందించాడు. రకరకాల పూలతో చక్కటి నైపుణ్యంతో సరికొత్త మాస్క్ లను తయారు చేశాడు. వధూవరుల కోసం ప్రత్యేకంగా తయారు చేసిన ఈ మాస్క్ ఫొటోలు సోషల్ మీడియాలో తెగ వైరల్‌గా మారాయి.
మూడు పొరల ముసుగులో మల్లె, లిల్లీ, గులాబీ పూలతో ఫేస్ మాస్క్‌లు తయారు చేశారు. కరోనాపై అవగాహన కల్పించేలా వధూవరులకు పూలతో మాస్క్ తయారు చేశానని అంటున్నారు మోహన్. ఫ్లవర్ మాస్క్ లకు ఆర్డర్స్ వస్తున్నట్లు, పూల మాస్క్ ధరించిన వధూవరులు చూడటానికి అందంగా ఉంటుందని వెల్లడిస్తున్నారు.
