మునగాకుతో సూప్: వర్షాకాలం టేస్ట్ చేస్తే అదిరిపోద్ది!

FILE

మునగాకుతో సూప్ ఎలా చేయాలో మీకు తెలుసా.. అయితే ఈ కథనం చదవండి. పిండి, కొవ్వు పదార్థాలు తక్కువగా ఉండి, పీచు పదార్థాలు పుష్కలంగా ఉండే సర్వరోగ నివారిణి 'మునగాకు''. మునగాకులో ఎన్నో ఔషధ గుణాలున్నాయి. ఐరన్ శక్తి పుష్కలంగా ఉంది.

అలాంటి మునగాకుతో సూప్ చేయడం ఎలా?
కావలసిన పదార్థాలు
మునగాకు - ఒక కప్పు
పుదీనా, కరివేపాకు, కొత్తిమీర తరుగు - అర కప్పు
మిరియాల పొడి - అర టీ స్పూన్
జీలకర్ర పొడి - పావు టీ స్పూన్
ఉప్పు - తగినంత
కొబ్బరి పాలు - పావు కప్పు
పసుపు పొడి - చిటికెడు

తయారీ విధానం :
ముందుగా మూడు కప్పుల నీటిలో మునగాకు, పుదీనా, కరివేపాకు, కొత్తిమీర తరుగులో పసుపు, ఉప్పు చేర్చి మరిగించాలి. ఆకులోని రసం నీటిలో దిగాక ఓ ప్రత్యేక పాత్రలో వడగట్టుకోవాలి. కాస్త ఆరాక అందులో కొబ్బరిపాలు, మిరియాల పొడి, జీలకర్ర పొడి కలిపి వేడివేడిగా ఉన్నప్పుడే సర్వ్ చేస్తే ఈ వర్షాకాలం టేస్ట్ అదిరిపోద్ది. ఈ సూప్‌కు సైడిష్‌గా కార్న్ సైడిష్‌గా వాడుకోవచ్చు.