జాతకం

మకరరాశి : ఉత్తరాషాడ 2, 3, 4 పాదాలు, శ్రవణం, ధనిష్ట 1, 2 పాదాలు వ్యవహార ఒప్పందాలకు అనుకూలం. ఆచితూచి అడుగేయండి. ఏకపక్ష నిర్ణయాలు తగవు. పెద్దల సలహా తీసుకోండి. ధనలాభం, వస్త్రప్రాప్తి ఉన్నాయి. ఖర్చులు అదుపులో ఉండవు. ఆర్భాటాలకు విపరీతంగా ఖర్చుచేస్తారు. ప్రముఖులకు కానుకలు సమర్పించుకుంటారు. కొన్ని పనులు ఆకస్మికంగా పూర్తవుతాయి. మీ శ్రీమతి వైఖరిలో మార్పు వస్తుంది. వేడుకలు, విందులకు హాజరవుతారు. ఆత్మీయుల హితవు కార్యోన్ముఖులను చేస్తుంది. కొత్త యత్నాలు మొదలెడతారు. పరిస్థితులు అనుకూలిస్తాయి. పాత పరిచయస్తులను కలుసుకుంటారు. పత్రాల్లో సవరణలు సాధ్యమవుతాయి. ఉపాధ్యాయుల శ్రమ ఫలిస్తుంది. ఉద్యోగ బాధ్యతల్లో ఏకాగ్రత వహించండి. వ్యాపారాల్లో లాభనష్టాలు సమీక్షించుకుంటారు. నూతన వ్యాపారాలు కలిసివస్తాయి. ఏకాగ్రతతో వాహనం నడపండి.