జాతకం

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం ప్రతికూలతలు అధికం. సంప్రదింపులు నిరుత్సాహపరుస్తాయి. ఆదాయానికి తగ్గట్టుగా బడ్జెట్ వేసుకుంటారు. అంచనాలు ఫలించవు. ఖర్చులు విపరీతం. ముఖ్యమైన పనులు, బాధ్యతలు స్వయంగా చూసుకోండి. దంపతుల మధ్య తరచు కలహాలు తప్పవు. సౌమ్యంగా మెలగండి. పంతాలకు పోవద్దు. తరుచు ఆత్మీయులతో సంభాషిస్తుంటారు. సంతానం విజయం ఉత్సాహం కలిగిస్తుంది. ఇంటి విషయాలపై ప్రత్యేక శ్రద్ధ వహిస్తారు. అవివాహితులకు శుభయోగం. కొత్త యత్నాలకు శ్రీకారం చుడతారు. పత్రాల రెన్యువల్, పన్ను చెల్లింపుల్లో అలసత్వం తగదు. మీ అలక్ష్యం ఇబ్బందికి దారితీస్తుంది. పెద్దల జోక్యంతో ఒక సమస్య సద్దుమణుగుతుంది. నోటీసులు అందుకుంటారు, అయిన వారి మధ్య కొత్త విషయాలు ప్రస్తావనకు వస్తాయి. ముఖ్యులలో ఒకరికి వీడ్కోలు పలుకుతారు.