జాతకం

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు ఏ కార్యసాధనకు సంకల్పబలం ముఖ్యం. పట్టుదలతో యత్నాలు సాగించండి. సాయం ఆశించవద్దు. స్వయంకృషితోనే లక్ష్యం సాధిస్తారు. కలిసివచ్చిన అవకాశాన్ని తక్షణం అందిపుచ్చుకోండి. ఆదాయం బాగుంటుంది. అనవసర ఖర్చులు తగ్గించుకుంటారు. ప్రతి విషయంలోను ప్రణాళికాబద్ధంగా వ్యవహరిస్తారు. ఆలోచనలు క్రియారూపం దాల్చుతాయి. మీ శ్రీమతి వద్ద దాపరికం తగదు. నోటీసులు అందుకుంటారు. ఒక సమాచారం ఆలోచింపచేస్తుంది. నిపుణులను సంప్రదిస్తారు. ఆరోగ్యం జాగ్రత్త. ఏ విషయాన్నీ తీవ్రంగా పరిగణించవద్దు. గృహమరమ్మతులు చేపడతారు. లైసెన్సులు, పర్మిట్ల రెన్యువల్లో జాప్యం తగదు. శుభకార్యానికి హాజరవుతారు. బంధుత్వాలు బలపడతాయి. చిన్ననాటి ఉపాధ్యాయులను కలుసుకుంటారు. విద్యార్థులు పరీక్షలు బాగా రాస్తారు.