జాతకం

వృశ్చికరాశి : విశాఖ 4వ పాదం. అనూరాధ, జ్యేష్ట కార్యసాధనకు ఓర్పు ప్రధానం. మీ సామర్ధ్యంపై నమ్మకం పెంచుకోండి. ఎవరి సాయం ఆశించవద్దు. అవకాశాలు అందినట్టే చేజారిపోతాయి. చిన్న విషయానికే నిరుత్సాహపడతారు. ఆశావహదృక్పథంతో మెలగండి. ఈ చికాకులు తాత్కాలికమే. త్వరలో అనుకూలతలు నెలకొంటాయి. ఏ విషయాన్నీ తీవ్రంగా భావించవద్దు. సన్నిహితుల వ్యాఖ్యలు మీపై మంచి ప్రభావం చూపుతాయి. మీ శ్రీమతి వైఖరిలో మార్పు వస్తుంది. అయిన వారు మీ అసక్తతను అర్థం చేసుకుంటారు. సంతానం ఉద్యోగయత్నం ఫలిస్తుంది. మానసికంగా కుదుటపడతారు. పత్రాల్లో సవరణలు సాధ్యమవుతాయి. కొత్త పనులకు శ్రీకారం చుడతారు. ఉద్యోగ విధుల్లో అలక్ష్యం తగదు. ఉపాధ్యాయులకు అదనపు బాధ్యతలు. ఉపాధి పథకాల్లో నిలదొక్కుకుంటారు. వాహనదారులకు దూకుడు తగదు.