ఐ. వెంకటేష్-ఖమ్మం: మీరు పంచమి, బుధవారం, వృషభ లగ్నము, శ్రవణ నక్షత్రం మకరరాశి నందు జన్మించారు. లగ్నము నందు బుధుడు ఉండటం వల్ల మీరు మంచి తేజోవంతులు, జ్ఞానవంతులు, విజ్ఞానవంతులు అయి ఉంటారు. వాక్ స్థానము నందు రవి, శుక్రులు ఉండటం వల్ల తొందరపడి సంభాషించడం వల్ల మాటపడవలసి వస్తుంది. జాగ్రత్త వహించండి. ప్రతిరోజూ హనుమాన్ ఆరాధన వల్ల మీకు సర్వదా పురోభివృద్ధి కానరాగలదు. 2003 డిశెంబరు నుంచి గురు మహర్దశ ప్రారంభమైంది. ఈ గురువు 2016 నుంచి 2019 వరకు 50 శాతాన్ని యోగాన్ని ఇవ్వగలదు. 2019 నుంచి 2038 వరకు శని మహర్దశ 19 సంవత్సరములు 66 శాతాన్ని అభివృద్ధిని ఇస్తుంది. మంచి గుర్తింపు, రాణింపు పొందుతారు. కాళ్లు, నడుము, నరాలకు సంబంధించిన చికాకులను ఎదుర్కొనబోతున్నారు. ఆరోగ్యములో జాగ్రత్త వహించండి.
