జాతకం

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం కార్యసాధనకు ఓర్పు ప్రధానం. పట్టుదలతో యత్నాలు సాగించండి. అవకాశాలు చేజారినా కుంగిపోవద్దు. ఆశావహదృక్పథంతో మెలగండి. నేను అనుకూలించనది రేపు ఫలిస్తుంది. ఆదాయ వ్యయాలకు పొంతన ఉండదు. దుబారా ఖర్చులు విపరీతం బుధవారం నాడు ప్రముఖుల ఇంటర్వ్యూల కోసం పడిగాపులు తప్పవు. ఆలోచనలు పలు విధాలుగా ఉంటాయి. మొండి ధైర్యంతో ముందుకు అడుగు వేస్తారు. పనులు, బాధ్యతలు స్వయంగా చూసుకోండి. దంపతుల మధ్య అవగాహన నెలకొంటుంది. సంతానం ఉన్నత చదువులపై దృష్టిపెడతారు. ఫోన్ సందేశాలు పట్టించుకోవద్దు. చిన్ననాటి పరిచయస్తులతో సంభాషిస్తారు. వ్యాపారాలు నిరుత్సాహపరుస్తాయి. ఉపాధి పథకాలు చేపడతారు. ఉద్యోగస్తులకు ఏకాగ్రత ప్రధానం. ప్రైవేట్ ఉపాధ్యాయులకు ఒత్తిడి, పనిభారం.