జాతకం

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు గ్రహాల సంచారం అనుకూలంగా ఉంది. కొత్త యత్నాలు చేపడతారు. అవకాశాలు కలిసివస్తాయి. ప్రముఖులను ఆకట్టుకుంటారు. చాకచక్యంగా పనులు చక్కబెట్టుకుంటారు. ఆదాయం బాగుంటుంది. ఊహించిన ఖర్చులే ఉంటాయి. పెద్దమొత్తం నగదు డ్రా చేసేటపుడు జాగ్రత్త. ఎవరినీ అతిగా నమ్మవద్దు. వాహనం అమర్చుకోవాలనే కోరిక నెరవేరుతుంది. వివాహయత్నాలు తీవ్రంగా సాగిస్తారు. ఒక సంబంధం కుదిరే సూచనలున్నాయి. నిశ్చితార్ధంలో ఏకాగ్రత వహించండి. తాహతుకు మించి హామీలివ్వవద్దు. శుక్రవారం నాడు అపరిచితులతో మితంగా సంభాషించండి. ఆంతరంగిక విషయాలు వెల్లడించవద్దు. వృత్తి ఉపాధి పథకాల్లో నిలదొక్కుకుంటారు. వ్యాపారాలు ఊపందుకుంటాయి. దస్త్రం వేడుక నిర్విఘ్నంగా సాగుతుంది. వేడుకల్లో అత్యుత్సాహం తగదు.