జాతకం

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం ఈ వారం గ్రహసంచారం అనుకూలంగా ఉంది. కొత్తయత్నాలకు శ్రీకారం చుట్టండి. మీ కృషి తక్షణం ఫలిస్తుంది. బంధుత్వాలు, పరిచయాలు బలపడతాయి. వ్యాపకాలు సృష్టించుకుంటారు. ఆదాయం సంతృప్తికరం. ఆర్భాటాలకు విపరీతంగా ఖర్చుచేస్తారు. ప్రభుత్వ కార్యాలయాల్లో పనులు సానుకూలమవుతాయి. వాస్తుదోష నివారణ చర్యలు చేపడతారు. ఒక సమాచారం ఆలోచింపచేస్తుంది. సోదరుల మధ్య కొత్త విషయాలు ప్రస్తావనకు వస్తాయి. మీ అభిప్రాయాలను స్పష్టంగా తెలియజేయండి. మీ శ్రీమతి వద్ద దాపరికం తగదు. కీలక పత్రాలు అందుకుంటారు. చిన్ననాటి పరిచయస్తులతో సంభాషిస్తారు. వృత్తి ఉద్యోగ బాధ్యతల్లో అలక్ష్యంతగదు. వ్యాపారాభివృద్ధికి పథకాలు అమలు చేస్తారు. నూతన పెట్టుబడులకు తగిన సమయం. అసాంఘిక కార్యకలాపాల జోలికి పోవద్దు.