1. సొరకాయ శరీరంలోని వేడినీ, కఫాన్నీ తగ్గిస్తుంది. వాంతులు, విరేచనాలు, పేగుపూత వంటి సమస్యలు ఉన్నవారు సొరకాయను తింటే ఎంతో మేలు చేస్తుంది. ఇకెందుకు ఆలస్యం.. సొరకాయతే చేసిన కూరలు లేదా సొరకాయ విత్తనాలను తినేందుకు సిద్ధంగా ఉండండి.
2. హృదయ సంబంధ వ్యాధులను అరికట్టడంలో సొరకాయ కీలక పాత్ర పోషిస్తుంది. దీనిని ఎక్కువగా తీసుకుంటే జలుబు చేస్తుందని బాధపడుతున్నారా.. అయితే శొంఠి పొడిని గానీ, మిరియాల పొడినిగానీ కలిపి తీసుకుంటే మంచి ఫలితం కనిపిస్తుంది. అలాగే, అందాన్ని మరింత రెట్టింపు చేయడంతో పాటు.. బరువును కూడా తగ్గిస్తుంది.
3. ప్రధానంగా పురుషుల్లో వీర్యవృద్ధిని కలిగించడంలో సొరకాయ గింజలు దివ్యౌషధంగా పనిచేస్తాయి. సొరకాయ ముదురు గింజలను వేయించి అందులో కొద్దిగా ఉప్పు, ధనియాలు, జీలకర్ర కలిపి నూరి రోజూ అన్నంలో కలిపి తీసుకుంటే.. శృంగార శక్తి పెరుగుతుంది.
4. సొరకాయను తొక్కతీసి చిన్నచిన్న ముక్కలుగా కట్ చేసుకుని శుభ్రం చేయాలి. ఆపై వాటిలో కొద్దిగా పసుపు, కారం, టమోటాలు, చింతపండు, పచ్చిమిర్చి, నీరు పోసి బాగా ఉడికించుకోవాలి. ఆ తరువాత ఈ మిశ్రమాన్ని తాలింపు పెట్టి తీసుకుంటే చాలా రుచిగా ఉంటుంది. ఆరోగ్యానికి ఎంతో మేలు చేస్తుంది.
