మృతకణాలు తొలగించుకునేందుకు ఖరీదైన క్లెన్సర్లు వాడటం కంటే కొబ్బరినూనె, ఆలివ్ ఆయిల్‌ల మిశ్రమాన్ని వాడితే సరిపోతుందని బ్యూటీషియన్లు అంటున్నారు. ఆలివ్ నూనె, కొబ్బరి నూనె మిశ్రమంలో కొద్దిగా పంచదార వేసి మెడకు, మోచేతులు, ముఖం, పెదాలకు రాసుకుంటే మృతకణాలు పోవడంతోపాటు చర్మం తేమతో నిగనిగలాడుతుంది.
గుడ్డులోని తెల్లసొనలో కొద్దిగా మొక్కజొన్నపిండి కలిపి దాన్ని సమస్య ఉన్నచోట పూతలా వేసుకోవాలి. ఇది పూర్తిగా ఆరిపోయాక కడిగేయాలి. ఇలా తరచూ చేయడం వల్ల సమస్య అదుపులోకి వస్తుంది. నాణ్యమైన క్రీమ్ రాసుకున్నా కొన్నిసార్లు చర్మంలో మెరుపు ఉండదు. అలాంటప్పుడు బంగాళాదుంప తొక్క ఉడికించిన నీటిని ముఖానికి రాసుకుంటే చర్మం మెరిసిపోతుంది.
