టీమిండియా కోచ్ ఎంపికపై తీవ్ర కసరత్తు సాగుతోంది. ప్రస్తుత కోచ్ రవిశాస్తి పదవి కాలం ముగియడంతో కొత్త కోచ్‌ను నియమించేందుకు బీసీసీఐ ఇంటర్వ్యూలకు సిద్ధమైంది. దీని కోసం 2 వేలకు పైగానే దరఖాస్తులు వచ్చాయి. కపిల్‌దేవ్‌, అన్షుమన్ గైక్వాడ్‌, శాంత రంగస్వామిలతో కూడిన క్రికెట్‌ సలహా కమిటీ భారత ప్రధాన కోచ్ ఎంపికను శుక్రవారం (ఆగస్టు-16) చేపట్టనుంది. అదే రోజు కొత్త కోచ్ ఎవరనేది తేలిపోనుంది.
ప్రస్తుత కోచ్ రవిశాస్త్రితో పాటు టామ్‌ మూడీ, మైక్‌ హెసన్‌, ఫిల్‌ సిమన్స్‌, రాబిన్‌ సింగ్‌, లాల్‌చంద్‌ రాజ్‌పుత్‌ సహా పలువురిని ఇంటర్వ్యూకు బీసీసీఐ ఆహ్వానించింది.ఇప్పటికే రవిశాస్త్రికి కెప్టెన్ కోహ్లీ మద్దతు పలుకుతున్నారు.
