నాగచైతన్య 'ఆటోనగర్ సూర్య' రిలీజ్ పై దేవ కట్టా ట్వీట్!
మంగళవారం, 27 ఆగస్టు 2013 (08:42 IST)
FILE
దేవా కట్టా దర్శకత్వంలో నాగచైతన్య, సమంతా హీరో హీరోయిన్లుగా ఆర్.ఆర్ మూవీ మేకర్స్ సమర్పణలో 'ఆటో నగర్ సూర్యా' పేరిట ఓ చిత్రాన్ని ప్రారంభించిన సంగతి తెలిసిందే. అయితే, ఆ సంస్థ ఆర్ధిక ఇబ్బందుల్లో పడిపోవడంతో ఈ సినిమా నిర్మాణం చివర్లో ఆగిపోయింది. రెండు పాటలు, కొన్ని రోజుల టాకీ మిగిలివుంది. అయితే ఆగిపోయిన నాగచైతన్య చిత్రానికి ఇప్పుడు మోక్షం లభిస్తోంది.
తన కొడుకు సినిమా ఆగిపోకూడదని అక్కినేని నాగార్జున ఈ చిత్ర బరువుబాధ్యతలను తీసుకున్నట్లు వార్తలు వస్తున్నాయి. ఇందుకు తగ్గట్టుగా దర్శకుడు దేవా కట్టా కూడా, 'ఆటో నగర్ సూర్యా సినిమా ఫినిషింగ్ వర్క్ త్వరలో మొదలవుతుందంటూ' తాజాగా ట్వీట్ చేశాడు. సో ... అక్కినేని వంశాభిమానులకు ఇది శుభవార్తే!
