మొత్తం జీవరాశిలో నవ్వు మానవ జాతికే లభించిన వరదానమనే చెప్పాలి. నవ్వడం వల్ల ఒత్తిడి తగ్గుతుంది. ఒత్తిడి శారీరక, మానసిక ఆరోగ్యానికి హానికరం. మనం నవ్వినప్పుడు, మన శరీరం న్యూరోపెప్టైడ్స్‌ను విడుదల చేస్తుంది. ఈ చిన్న అణువులు ఒత్తిడి ఉపశమనం, ప్రశాంతతను ప్రేరేపించే దిశగా పనిచేస్తాయి. నేడు వరల్డ్ స్మైల్ డే. ఈ రోజును ప్రతి సంవత్సరం అక్టోబర్ మొదటి శుక్రవారం జరుపుకుంటారు. ఈ సంవత్సరం ఇది అక్టోబర్ 7న వస్తుంది.
హార్వే బాల్ ఒక అమెరికన్ కళాకారుడు మొదట ప్రపంచ స్మైల్ డే వేడుకను ప్రతిపాదించాడు. 1963లో, అతను ఐకానిక్ స్మైలీ ఫేస్ చిత్రాన్ని కనుగొన్నాడు. అతని కళాకృతిగా ఆ స్మైలీ ఫేస్ సిద్ధమైంది. అలా 1999 నుండి, అక్టోబర్‌లో మొదటి శుక్రవారాన్ని ప్రపంచ చిరునవ్వు దినంగా గుర్తించారు. 2001లో అతని మరణం తరువాత, అతని పేరు, జ్ఞాపకాలను గౌరవించటానికి హార్వే బాల్ వరల్డ్ స్మైల్ ఫౌండేషన్ స్థాపించబడింది.
ఈ రోజు అందరి చిరునవ్వులకు అంకితం చేయబడింది. వ్యక్తులు దయతో ప్రవర్తించమని, ఇతరులను నవ్వించమని ప్రోత్సహించడమే ఈ రోజుటి లక్ష్యం. చిరునవ్వు రాజకీయ, భౌగోళిక లేదా సాంస్కృతిక సరిహద్దులను గుర్తించదు.. అనేది ఈ డే థీమ్‌గా పరిగణించబడుతోంది.
