అందాల పోటీల్లో పాల్గొన్న ''గే'': కిరిటాన్నీ సొంతం చేసుకుని అబ్బురపరిచింది.. ఎక్కడ?

అందాల పోటీల్లో కేవలం అమ్మాయిలే కాదు.. స్వలింగ సంపర్కులు పాల్గొని విజయం సాధించవచ్చని ఓ గే నిరూపించింది. పైగా.. అమెరికా దేశ చరిత్రలోనే ఈ తరహా పోటీల్లో పాల్గొని చరిత్ర సృష్టించింది. అంతేకాదు కిరీటాన్ని సైతం గెలుచుకుని ఇతరులకు ఆదర్శంగా నిలిచింది. 

ఈ వివరాలను పరిశీలిస్తే.. ఎరిన్ ఓ ఫ్లాహెర్టి మిస్ మిస్సోరి 2016 విజేతగా నిలిచి అందరిని అబ్బురపరిచింది. ఇంకో ఆసక్తికర విషయం ఏంటంటే... ఈమె స్వలింగ సంపర్కురాలు (గే). శనివారం మిస్సోరిలో కనులవిందుగా జరిగిన అందాల పోటీలో ఈ ఏడాది కిరీటాన్ని గే సొంతం చేసుకోవడం అమెరికా బ్యూటీ కాంటెస్ట్ చరిత్రలోనే మొదటిసారి. 

ఈ ఏడాదిలోనే జరిగే మిస్ అమెరికా పోటీలో మిస్సోరి స్టేట్ నుంచి ప్రాతినిథ్యం వహించనున్నారు. సౌత్ కారోలినాకు చెందిన ఫ్లాహెర్టి తన 18 ఏట స్వలింగ సంపర్కురాలిగా మారారు. ఎల్జీబీటీ సమాజంపై అవగాహన పెంపొందించడానికి, ప్రమోట్ చేయడానికి ఈ పురస్కారం కీలకంగా మారుతుందనే అభిప్రాయాన్ని ఆమె వ్యక్తం చేశారు.