సౌదీలో నడిరోడ్డుపై డ్యాన్స్ చేసిన టీనేజర్.. వీడియో చూడండి

సౌదీ అరేబియాలో క్రమశిక్షణ తప్పితే కఠిన శిక్షలు తప్పవు. తాజాగా నడిరోడ్డుపై డ్యాన్స్ చేసిన టీనేజర్ అరెస్ట్ అయ్యాడు. బాలుడు రోడ్డుపై నృత్యం చేయడంతో రవాణా రాకపోకలకు అంతరాయం కలిగిందనే కారణంతో అదుపులోకి తీసుకున్నారు. వివరాల్లోకి వెళితే.. సౌదీ అరేబియాలో 14 ఏళ్ల బాలుడు రవాణా రాకపోకలు అధికంగా గల ప్రాంతంలో డ్యాన్స్ చేశాడు. 

ఈ డ్యాన్స్ వీడియో సోషల్ మీడియాలో వైరల్ అయ్యింది. దీంతో సౌదీ పోలీసులు ఆ బాలుడిని అరెస్ట్ చేశారు. అయితే టీనేజర్‌కు జరిమానా చెల్లించుకున్న తర్వాత పోలీసులు అతడిని రిలీజ్ చేశారు. ఈ ఘటన ఈ నెల 20వ తేదీ చోటుచేసుకుంది. 

సౌదీలో ఎన్నో ఆంక్షలున్న సంగతి తెలిసిందే. ఈ నేపథ్యంలో రోడ్డుపై పిల్లాడి డ్యాన్స్.. స్థానికంగా కలకలం సృష్టించింది. ఈ వీడియోను చూసిన నెటిజన్లు బాలుడిని ప్రశంసలతో ముంచెత్తితే.. కొందరు మాత్రం బాలుడు అరెస్ట్ కావడంపై ఆవేదన వ్యక్తం చేస్తున్నారు.