సిరియాపై అమెరికా సైన్యం దాడి.. ఉత్తరకొరియాను రెచ్చగొట్టినట్లైంది. అమెరికాపై దాడులకు సై అంటూ ఉత్తర కొరియా ఇప్పటికే ప్రకటించింది. ఈ నేపథ్యంలో అమెరికా నుంచి ప్రతిఘటన ఎదురైతే ఉత్తర కొరియా ఏం చేస్తుందనే దానిపై ప్రస్తుతం చర్చ సాగుతోంది. అమెరికా మీద ఉత్తరకొరియా దాడి చేస్తుందా అని సర్వత్రా ఉత్కంఠ నెలకొంది. అలా జరిగే అవకాశం లేదని.. దక్షిణ కొరియాపై దాడి చేసే ఛాన్సుందని నిపుణులు చెప్తున్నారు.
ఎందుకంటే.. దక్షిణ కొరియాపై ఉత్తర కొరియా దాడి కనుక చేస్తే అది అమెరికాపై దాడి చేసినట్లే అవుతుందని.. తద్వారా దక్షిణ కొరియా రాజధాని సియోల్ ఇరుదేశాల మధ్య ఉన్న సరిహద్దుకు సమీపంలోనే ఉండటం ద్వారా ఉత్తర కొరియాకు లాభిస్తుందని నిపుణులు చెప్తున్నారు. అంతేకాదు, దేశ జనాభాలో 45 శాతం మంది సియోల్, దాని పరిసర ప్రాంతాల్లోనే ఉంటారు. ఈ నేపథ్యంలో, సియోల్ ను నాశనం చేస్తే దేశం మొత్తాన్ని నాశనం చేసినట్టేనని నిపుణులు అంటున్నారు.
దక్షిణ కొరియాపై దాడి చేస్తే.. ప్రపంచ అగ్రగామి సంస్థలైన శ్యామ్ సంగ్, ఎల్ జీ, హ్యుండాయ్ తదితర కంపెనీలన్నీ నాశనమవుతాయి. ఇవన్నీ అమెరికా అండతోనే దక్షిణ కొరియా అభివృద్ధి జరిగిందని.. అందుకే ఉత్తర కొరియా దక్షిణ కొరియాను టార్గెట్ చేసే అవకాశాలున్నట్లు నిపుణులు చెప్తున్నారు.
