గూగుల్ ఉద్యోగులకు గుడ్ న్యూస్.. కరోనా కాలంలో ప్రముఖ సెర్చ్‌ ఇంజన్ గూగుల్ తీసుకున్న నిర్ణయం తెలిస్తే అవాక్కవ్వాల్సిందే. కరోనా కారణంగా ఉద్యోగులపై పడుతున్న భారం దృష్ట్యా ఇప్పటికే రెండు రోజులుగా ఉన్న వీక్లీ ఆఫ్‌ను మరో రోజుకు గూగుల్ పెంచింది. అంటే దీనిని బట్టి వీక్లీ ఆఫ్‌గా గూగుల్ మూడు రోజులు ఇవ్వనుంది.
ప్రత్యేకించి అమెరికా వంటి దేశాల్లో టెక్ సంస్ధలు ఇళ్ల వద్ద నుంచి కూడా ఉద్యోగులను పని చేయించుకోవడం కష్టంగా మారుతోంది. దీంతో వర్క్ ఫ్రమ్‌ హోమ్‌లోనూ ఇబ్బందులు తప్పట్లేదు. అంతేగాకుండా ఐదు రోజుల పని దినాల్లోనూ తమ ఉద్యోగులు ఇళ్ల వద్దే ఉండి కూడా పని చేయలేకపోతున్నారని గూగుల్ గుర్తించింది. దీంతో ప్రస్తుతం ఇస్తున్న రెండు వారాంతపు సెలవులను పెంచి మరో రోజు శుక్రవారం కూడా వీక్లీ ఆఫ్‌గా గూగుల్ ప్రకటించింది.
