అక్రమ సంబంధాలపై నిలదీసిన భార్య.. బీజేపీ మాజీ ఎమ్మెల్యే ఓవరాక్షన్.. యడ్యూరప్ప హితవు

అక్రమ సంబంధాలు పెట్టుకోవడం తన బలహీనత.. ఈ విషయంలో తనను ఏమాత్రం ప్రశ్నించవద్దని భార్యతో చెప్పిన ఓ కర్ణాటక మాజీ ఎమ్మెల్యే బండారం బయటపడింది. అంతటితో ఆగకుండా భార్య ప్రశ్నించిన పాపానికి ఆమెపై చేజేసుకుని.. ఇంటి నుంచి బయటికి నెట్టేశాడు. ఇంటికి తాళం వేసి బయటికి వెళ్ళిపోయాడు. అయితే ఆ భార్య మాత్రం భర్త ఇంటి ముందే ధర్నాకు దిగారు. 

వివరాల్లోకి వెళితే.. కర్ణాటక రాష్ట్రంలోని ముదిగెరె అసెంబ్లీ నియోజకవర్గ మాజీ ఎమ్మెల్యే, బీజేపీ నాయకుడు కుమారస్వామిని నీటిపారుదల శాఖలో ఇంజినీరుగా పనిచేస్తున్న సవిత పెళ్లాడారు. ఈ కుటుంబం హెచ్ఎస్ఆర్ లేఅవుట్ లోని ఓ ఇంట్లో నివాసముంటున్నారు. అయితే కుమార స్వామి అక్రమ సంబంధాలు పెట్టుకుంటున్నారని ఎంత చెప్పినా వినట్లేదని సవిత ప్రశ్నించింది. 

అయినా భార్య సవిత భర్తను నిలదీయడంతో ఆమెను కొట్టి ఇంటినుంచి బయటకు నెట్టి... ఇంటికి తాళం వేసి బయటకు వెళ్లిపోయాడు. కాగా తన భార్య సవిత తనకున్న 30 ఎకరాల కాఫీ తోటను తన పేరిట పెట్టాలని తనను బ్లాక్ మెయిలింగ్ చేస్తుందని కుమారస్వామి ఆరోపించారు. కాఫీ తోట ఇవ్వనన్నందుకు తనపై తప్పుడు ఆరోపణలు చేస్తూ అప్రతిష్టపాలు చేస్తుందని కుమారస్వామి పేర్కొన్నారు.

ఇదిలా ఉంటే.. బీజేపీ ప్రతిష్ట మంటగలిసేలా కుటుంబవ్యవహారంలో ప్రవర్తించవద్దని బీజేపీ రాష్ట్ర అధ్యక్షుడు యడ్యూరప్ప కుమారస్వామికి హితవు పలికారు. అయితే ఈ ఘటనపై పోలీసులు ఇంకా కేసు నమోదు చేయకపోవడం గమనార్హం.