ఓ మహిళ మాత్రం తనపై ఓ రెండేళ్ల చిన్నోడు లైంగిక వేధింపులకు పాల్పడ్డాడని కేసు పెట్టింది. రెండేళ్ల వయసంటే మాటలు అంతంత మాత్రంగా వచ్చే ప్రాయం. అలాంటి బుడ్డోడు లైంగిక వేధింపులకు గురిచేశాడని కేసు నమోదైంది. వివరాల్లోకి వెళితే.. బీహార్ రాజధాని పాట్నాకు 153కి.మీ దూరంలో ఉన్న చంపారన్ జిల్లా పతాహి పోలీస్ స్టేషన్ పరిధిలో ఈ కేసు నమోదైంది. గత నెల 15న కేసు నమోదైన ఘటన ఆలస్యంగా వెలుగులోకి వచ్చింది.
రెండేళ్ల బాలుడు తనను లైంగికంగా వేధించి తన బంగారు గొలుసు ఎత్తుకెళ్లాడని 35 ఏళ్ల మహిళ తన ఫిర్యాదులో పేర్కొంది. మహిళ ఫిర్యాదు మేరకుదొంగతనం నేరారోపణపై సెక్షన్ 379 కింద కేసు నమోదు చేశారు. మరోవైపు బాలుడి తండ్రి మాత్రం ఇదంతా కావాలని చేస్తున్న కుట్ర అని అభిప్రాయం వ్యక్తం చేస్తున్నాడు. మహిళ పెట్టిన ఫిర్యాదుతో రెండేళ్ల తన కొడుకు నిద్రలేని రాత్రులు గడుపుతున్నాడని ఆవేదన వ్యక్తం చేశాడు.
