జైల్లో భర్త.. ప్రియుడితో భార్య సరసాలు.. నగ్నంగా ఊరేగించిన గ్రామస్తులు
బుధవారం, 29 సెప్టెంబరు 2021 (14:34 IST)
ఓ కేసులో భర్త జైలుకు వెళితే... అతని భార్య మాత్రం మరో వ్యక్తితో అక్రమ సంబంధం పెట్టుకుంది. ఈ విషయం గ్రామస్తులకు తెలిసింది. ఆమె అక్రమ సంబంధంపై కన్నేసి రెడ్‌హ్యాండెడ్‌గా పట్టుకున్నారు. ఆ తర్వాత వారిద్దరీ నగ్నంగా గ్రామంలో ఊరేగించారు. ఈ ఘటన జార్ఖండ్ రాష్ట్రంలోని దమ్కా జిల్లాలో జరిగింది.
ఈ వివరాలను పరిశీలిస్తే, బాద్త‌లి పంచాయ‌తీ ప‌రిధిలోని ఓ గ్రామానికి చెందిన వ్య‌క్తి ఏడాది క్రితం జైలు పాల‌య్యాడు. దీంతో ఆయ‌న భార్య ఒంట‌రిగా జీవిస్తూవస్తోంది. ఈ క్రమంలో గ్రామంలోని ఓ యువ‌కుడితో ఆమె గ‌త కొంత‌కాలం నుంచి అక్రమ సంబంధం కొన‌సాగిస్తోంది.
గ్రామస్తులకు ఈ విషయం తెలియ‌డంతో.. వారిద్ద‌రిని రెడ్ హ్యాండెడ్‌గా ప‌ట్టుకునేందుకు య‌త్నించారు. ఇక మంగ‌ళ‌వారం సాయంత్రం వీరిద్ద‌రూ సరసాలు ఆడుతుండ‌గా గ్రామస్తులు రెడ్ హ్యాండెడ్‌గా పట్టుకున్నారు.
అనంత‌రం గ్రామంలో కిలోమీట‌ర్ మేర ఆ జంట‌ను నగ్నంగా ఊరేగించారు. ఇంత‌లోనే పోలీసుల‌కు స‌మాచారం అందడంతో హుటాహుటిన ఆ గ్రామానికి చేరుకున్నారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు. 50 నుంచి 60 మంది గ్రామ‌స్తుల‌పై పోలీసులు కేసు న‌మోదు చేశారు.
