కోటి సోమవారాల రోజున శివాలయ సందర్శనం, అభిషేకం, ఉపవాసం లేదా నక్తం లేదా ఏకభుక్తం ఎవరి శక్తి అనుసారం వారు చేస్తే మంచిది. అదేవిధంగా ఈ రోజు దీపారాధన, ఆకాశదీప దర్శనం, దానాలు, ధర్మాలు చేస్తే ఆ ఫలితం రెట్టింపు అవుతుందని పురాణాలు చెప్తున్నాయి.
కోటి సోమవారాల రోజున ఓం నమఃశివాయ పంచాక్షరితో భక్తి ప్రపత్తులతో శివునికి ఉపవాసం చేస్తే అనంత పుణ్యఫలాలు కలుగుతాయని విశ్వాసం. ఆలయాల్లో శివునికి అభిషేకం చేయించడం, నేతితో దీపమెలిగించడం ద్వారా సకలసంపదలు చేకూరుతాయి.
